ଖଜୁରୀପଡ଼ା,୭।୧୦(ମନୋଜ କୁମାର ବେହେରା):କନ୍ଧମାଳ ଜିଲ୍ଲାର ଖଜୁରୀପଡ଼ା ଆଞ୍ଚଳ ରେ ଦେଖିବାକୁ ମିଳୁଛି ଇନ୍ଦିରା ଆବାସ ଯୋଜନା ନାମରେ ଘର ଘର ବୁଲି ଲୋକଙ୍କୁ ବିଭିନ୍ନ କଥା କହି ଟଙ୍କା କିମ୍ବା ସୁନା ଦେଖାଇବାକୁ କହୁଥିବା କିଛି ବ୍ୟକ୍ତିଙ୍କୁ ନେଇ ଅଞ୍ଚଳରେ ସତର୍କତା ସୃଷ୍ଟି ହୋଇଛି।ସ୍ଥାନୀୟ ଲୋକଙ୍କ ସୂଚନା ଅନୁସାରେ, ଆଜି ସକାଳେ ବାଦ୍ରିପାଜୁ ଅଞ୍ଚଳରେ କିଛି ବ୍ୟକ୍ତି ଘରକୁ ଘର ବୁଲୁଥିବା ଦେଖାଯାଇଥିଲା। ଲୋକମାନେ ସେମାନଙ୍କ ପରିଚୟ ଓ ଆସିବାର ଉଦ୍ଦେଶ୍ୟ ସମ୍ପର୍କରେ ପଚାରିବାରୁ ସନ୍ତୋଷଜନକ ଉତ୍ତର ମିଳିନଥିବା ଏବଂ ପରେ ସେମାନେ ସେଠାରୁ ଚାଲିଯାଇଥିବା ଅଭିଯୋଗ ହୋଇଛି।ଏହି ଘଟଣାକୁ ନେଇ ସ୍ଥାନୀୟ ଲୋକଙ୍କୁ ସତର୍କ ରହିବାକୁ ଅନୁରୋଧ କରାଯାଇଛି। କୌଣସି ବ୍ୟକ୍ତି ଯଦି ସରକାରୀ ଯୋଜନା ନାମରେ ଘରକୁ ଆସି ଟଙ୍କା, ସୁନା କିମ୍ବା ଅନ୍ୟ କୌଣସି ମୂଲ୍ୟବାନ ସାମଗ୍ରୀ ଦେଖାଇବାକୁ କହନ୍ତି, ତେବେ ତାଙ୍କ ପରିଚୟପତ୍ର ଓ ଅଧିକୃତ ପରିଚୟ ଯାଞ୍ଚ ନକରି କୌଣସି ସୂଚନା କିମ୍ବା ସାମଗ୍ରୀ ଦିଅନ୍ତୁ ନାହିଁ।ସନ୍ଦେହଜନକ ବ୍ୟକ୍ତିଙ୍କୁ ଦେଖିଲେ ନିଜେ କୌଣସି ଅପ୍ରୀତିକର ପଦକ୍ଷେପ ନନେଇ ତୁରନ୍ତ ନିକଟସ୍ଥ ଥାନାକୁ ଜଣାଇବାକୁ ସ୍ଥାନୀୟ ଲୋକଙ୍କ ପକ୍ଷରୁ ଅନୁରୋଧ କରାଯାଇଛି।ଏହି ଘଟଣାର ସତ୍ୟତା ଓ ବ୍ୟକ୍ତିମାନଙ୍କ ପରିଚୟ ସମ୍ପର୍କରେ ପୋଲିସ ପକ୍ଷରୁ ଅଧିକାରିକ ସୂଚନା ମିଳିବା ପରେ ହିଁ ନିଶ୍ଚିତ ତଥ୍ୟ ସ୍ପଷ୍ଟ ହୋଇପାରିବ।
