ଭଞ୍ଜନଗର,୧୩/୪:(ନିଲୁ ବିଷୋୟୀ):ଭଞ୍ଜନଗର କବିସମ୍ରାଟ ଉପେନ୍ଦ୍ରଭଞ୍ଜ ଶିକ୍ଷକ ଶିକ୍ଷା ମହାବିଦ୍ୟାଳୟରେ ସୋମବାର ଜଳଛତ୍ର ଖୋଲାଯାଇ ପଥଚାରୀଙ୍କୁ ପଣା ବଣ୍ଟନ କରାଯାଇଛି। ମହାବିଦ୍ୟାଳୟ ଅଧ୍ୟକ୍ଷ ଡ.ଦିଲୀପ କୁମାର ଖୁଣ୍ଟିଆଙ୍କର ତତ୍ତ୍ୱାବଧାନରେ ଏବଂ ସହକାରୀ ପ୍ରଫେସର ସସ୍ମିତା ବେହେରାଙ୍କର ସହଯୋଗରେ ମହାବିଦ୍ୟାଳୟ ଫାଟକ ସମ୍ମୁଖରେ ଛାତ୍ରଛାତ୍ରୀ ପଣା ବଣ୍ଟନ କରିଥିଲେ। ଗତ ସପ୍ତାହକରେ ମଧ୍ୟରେ ପାଗରେ ପରିବର୍ତ୍ତନ ଘଟି ବର୍ତ୍ତମାନ ତାପମାତ୍ରା ଢେର ବୃଦ୍ଧି ପାଇବାରେ ଲାଗିଛି। ତେଣୁ ଲୋକଙ୍କୁ ରାସ୍ତା କଡ଼ରେ ପାଣି, ପଣା ବଣ୍ଟନ ପାଇଁ ସରକାରଙ୍କ ପକ୍ଷରୁ ବିଭିନ୍ନ ଅନୁଷ୍ଠାନକୁ ଆହ୍ବାନ କରାଯାଇଛି। ତେଣୁ କଲେଜ ପିଲା ମାନେ ଆଜି ପଣା ବଣ୍ଟନ କରିଥିବା ଜଣାପଡିଛି। ଏଥିରେ ମହାବିଦ୍ୟାଳୟର ସମସ୍ତ ସହକାରୀ ପ୍ରଫେସର ଏବଂ ଅଣଶିକ୍ଷକ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ।
