ଖଜୁରୀପଡ଼ା,୯।୧୦(ମନୋଜ କୁମାର ବେହେରା):ରାସ୍ତାରେ ମାଟି, ପଥର ଓ ଖାଲଖମା… ଯିବାଆସିବା କରିବାକୁ ଲୋକଙ୍କୁ ଡର!କନ୍ଧମାଳ ଜିଲ୍ଲାର ଖଜୁରୀପଡ଼ା ବ୍ଲକ ବିଲାବାଡ଼ି ପଞ୍ଚାୟତ ଅନ୍ତର୍ଗତ କାକାନ୍ଦିରୀ ଅଞ୍ଚଳର ରାସ୍ତାର ଦୁରବସ୍ଥା ଦେଖିଲେ ଯେକେହି ଚିନ୍ତାରେ ପଡ଼ିବେ। ରାସ୍ତାରେ ବଡ଼ ବଡ଼ ପଥର, ମାଟି ଓ ଖାଲଖମା ଦେଖିବାକୁ ମିଳୁଥିବା ବେଳେ ଯାତାୟାତ କରିବା ଲୋକଙ୍କ ପାଇଁ କଷ୍ଟକର ହୋଇପଡ଼ିଛି। ରାସ୍ତାର ଅବସ୍ଥା ଏପରି ହୋଇଛି ଯେ, ଗାଡ଼ିମୋଟର ନେଇ ଯିବାଆସିବା କରିବା ମଧ୍ୟ ବିପଦପୂର୍ଣ୍ଣ ମନେ ହେଉଛି।ରାସ୍ତା ନା ନାଳ? ଲୋକଙ୍କ ମନରେ ଉଠୁଛି ପ୍ରଶ୍ନ!ଫଟୋରୁ ଦେଖିବାକୁ ମିଳୁଛି ଯେ ରାସ୍ତାର ଅନେକ ସ୍ଥାନରେ ମାଟି ଧୋଇଯାଇଥିବା ସହ ପଥର ବାହାରି ପଡ଼ିଛି। ରାସ୍ତାର ସମତଳ ଅବସ୍ଥା ନଥିବାରୁ ଯାତାୟାତରେ ସମସ୍ୟା ହେବାର ଆଶଙ୍କା ରହିଛି। ବିଶେଷକରି ବର୍ଷା ସମୟରେ ଏଭଳି ରାସ୍ତାରେ ଯାତାୟାତ କରିବା ଆହୁରି କଷ୍ଟକର ହୋଇପାରେ।ସ୍ଥାନୀୟ ଲୋକଙ୍କ କହିବା ଅନୁସାରେ, ଏହି ରାସ୍ତାରେ ଯିବାଆସିବା କରିବା ସମୟରେ ଅନେକ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି। ରାସ୍ତାର ଏଭଳି ଅବସ୍ଥା ଯୋଗୁଁ ଦୁର୍ଘଟଣା ଘଟିବାର ଭୟ ମଧ୍ୟ ରହୁଛି।ଅଞ୍ଚଳବାସୀଙ୍କ ପ୍ରଶ୍ନ— ଏହା କ’ଣ ରାସ୍ତା ନା ନାଳ? ଆମେ କେମିତି ଯିବାଆସିବା କରିବୁ?ଏବେ ସମ୍ପୃକ୍ତ ବିଭାଗ ଓ ପ୍ରଶାସନ ଏହି ରାସ୍ତାର ଅବସ୍ଥାକୁ ଗୁରୁତ୍ୱ ଦେଇ ତୁରନ୍ତ ଅନୁଧ୍ୟାନ କରିବା ସହ ଆବଶ୍ୟକ ମରାମତି କରିବାକୁ ଦାବି ହେଉଛି।ଲୋକଙ୍କ ଯାତାୟାତକୁ ସୁରକ୍ଷିତ ଓ ସୁବିଧାଜନକ କରିବା ପାଇଁ ଏହି ରାସ୍ତାର ଉନ୍ନତିକରଣ କେବେ ହେବ, ତାହା ଏବେ ଅଞ୍ଚଳବାସୀଙ୍କ ପାଇଁ ବଡ଼ ପ୍ରଶ୍ନ।ଦାବି: କାକାନ୍ଦିରୀ ରାସ୍ତାର ତୁରନ୍ତ ମରାମତି କରାଯାଉ ଏବଂ ଯାତାୟାତ ସମସ୍ୟାର ସ୍ଥାୟୀ ସମାଧାନ କରାଯାଉ।
