ଖୋର୍ଦ୍ଧା,୧୪/୦୬(କେଦାର ନାଥ ସାହୁ):ପୌରପରିଷଦ ଟାଉନ୍ ହଲ୍ ଠାରେ ଜିଲ୍ଲା ସହରାଞ୍ଚଳ ଉନ୍ନୟନ ସଂସ୍ଥା (ଡୁଡା) ଆନୁକୁଲ୍ୟରେ ମୁଖ୍ୟ ଉନ୍ନୟନ ଅଧିକାରୀ ତଥା ପ୍ରକଳ୍ପ ନିର୍ଦ୍ଦେଶକ (ଡୁଡା) ଶ୍ରୀ ଜ୍ୟୋତି ଶଙ୍କର ସାହୁ ଙ୍କ ଅଧ୍ୟକ୍ଷତାରେ ସହରାଞ୍ଚଳ ଜନ ସଂପର୍କ ଓ ନାଗରିକ ଭାଗିଦାରୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି l କାର୍ଯ୍ୟକ୍ରମରେ ଖୋର୍ଦ୍ଧା ପୌର ପରିଷଦର ଅଧ୍ୟକ୍ଷା କନକ ଲକ୍ଷ୍ମୀ ମହାନ୍ତି, ଜଟଣୀ ପୌର ପରିଷଦର ଅଧ୍ୟକ୍ଷ ଅନନ୍ତ ବେହେରା, ବାଣପୁର ବିଜ୍ଞାପିତ ଅଞ୍ଚଳ ପରିଷଦ, ଅଧ୍ୟକ୍ଷ ମିଟୁ ନାୟକ, ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷା ସୁକାନ୍ତି ପାଇକରାୟ, ଖୋର୍ଦ୍ଧା ପୌର ପରିଷଦ ଉପାଧ୍ୟକ୍ଷ ସୌର୍ଯ୍ୟ ରଞ୍ଜନ ମହାନ୍ତି, ବାଣପୁର ବିଜ୍ଞାପିତ ଅଞ୍ଚଳ ପରିଷଦ ଉପାଧ୍ୟକ୍ଷା ପ୍ରାଚୀ ପ୍ରଭା ସ୍ୱାଇଁ, ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦ ଉପାଧ୍ୟକ୍ଷ ଭଗବାନ ପ୍ରଧାନ, ସହ ନିର୍ଦ୍ଦେଶିକା, ରାଜ୍ୟ କାର୍ଯ୍ୟକ୍ରମ, ଜନାଗ୍ରହ, ପ୍ରଣତି ଦାସ, ଦଳ ମୁଖ୍ୟ ଟାଟା ଷ୍ଟିଲ ଫାଉଣ୍ଡେସନ, ଶିଶିର ରଂଜନ ଦାଶ, ନିର୍ବାହୀ ଅଧିକାରୀ, ଖୋର୍ଦ୍ଧା ପୌର ପରିଷଦ, କାବେରୀ ମୁଦୁଲି, ନିର୍ବାହୀ ଅଧିକାରୀ, ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦ, ପ୍ରାଣ ନାଥ ସେଠ ଏବଂ ବାଣପୁର ବିଜ୍ଞାପିତ ଅଞ୍ଚଳ ପରିଷଦ ନିର୍ବାହୀ ଅଧିକାରୀ ସ୍ମୃତି ରଞ୍ଜନ ସାହୁ ସମ୍ମାନିତ ଅତିଥି ଭାବେ ଯୋଗଦେଇ l କାର୍ଯ୍ୟକ୍ରମ ସମାରୋହ ଅଧ୍ୟକ୍ଷ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ଜିଲ୍ଲା ପରିଷଦ ଏବଂ ପ୍ରକଳ୍ପ ନିର୍ଦ୍ଦେଶକ (ଡୁଡା) ଶ୍ରୀ ଜ୍ୟୋତି ଶଙ୍କର ସାହୁ ନିଜ ସ୍ୱାଗତ ଭାଷଣ ପୂର୍ବକ ଉଦବୋଧନରେ କହିଲେ ଖୋର୍ଦ୍ଧାର ସହରାଞ୍ଚଳ ବିକାଶ ଦ୍ରୁତ ଗତିରେ ଆଗେଇ ଚାଳିଛି l ଜିଲ୍ଲାରେ ଖୋର୍ଦ୍ଧା ଓ ଜଟଣୀ ଦୁଇଗୋଟି ପୌର ପରିଷଦ ଥିବାବେଳେ ଦୁଇଗୋଟି ବିଜ୍ଞାପିତ ଅଞ୍ଚଳ ବାଲୁଗାଁ ଓ ବାଣପୁର ଅଛି ଲ ସେହିପରି ଟାଙ୍ଗୀ କୁ ମଧ୍ୟ ସରକାର ବିଜ୍ଞାପିତ ଅଞ୍ଚଳ ପରିଷଦ ଭାବେ ଘୋଷଣା କରିଛନ୍ତି l ରାଜ୍ୟ ସରକାରଙ୍କର ଦୁଇ ବର୍ଷ ପୂର୍ତ୍ତିରେ ଅନେକ ସହରାଞ୍ଚଳ ଯୋଜନା ପ୍ରଣୀତ ହୋଇଛି l ସକାରାତ୍ମକ ଚିନ୍ତାଧାରା ରଖି ପ୍ରତ୍ୟେକ ପାରିଷଦ ନିଜ ନିଜ ୱାର୍ଡ ପାଇଁ କି କି ଆବଶ୍ୟକତା ଅଛି ଭିଜନ ତିଆରି କରି ଏହାକୁ ନିଷ୍ଠାର ସହ କାର୍ଯ୍ୟ କରିପାରିଲେ ବିକଶିତ ଓଡ଼ିଶା ଗଠନ ରେ ସମସ୍ତ ସହରାଞ୍ଚଳ ଅଧିକରୁ ଅଧିକ ବେଗରେ ବିକାଶ ହେବା ବୋଲି ଆହ୍ଵାନ ଦେଇଥିଲେ l ସେହିପରି ସହ ନିର୍ଦ୍ଦେଶିକା, ରାଜ୍ୟ କାର୍ଯ୍ୟ କ୍ରମ, ଜନାଗ୍ରହ୍ ପ୍ରଣତି ଦାସ ସହରାଞ୍ଚଳ ବିକାଶରେ କାଉଁସିଲର, ଠାରୁ ଆରମ୍ଭ କରି ଅଧ୍ୟକ୍ଷ ଅଧ୍ୟକ୍ଷା ମାନଙ୍କର କି ଦାୟିତ୍ଵ ଅଛି ସେ ସମ୍ବନ୍ଧରେ ଆଲୋକପାତ କରିଥିଲେ l ଶ୍ରୀମତୀ ଦାସ କହିଲେ ସମ୍ବିଧାନର ୭୪ ତମ ସଂଶୋଧନ ରେ ଉନ୍ନତ କ୍ଷମତା ଆସିଲା l ୱାର୍ଡ ସଭ୍ୟ ସଭ୍ୟା ମାନେ ୱାର୍ଡରେ କମିଟି ସଭାକରି ୱାର୍ଡ ର ପଞ୍ଚ ବାର୍ଷିକ ଖସଡ଼ା ପ୍ରସ୍ତୁତ କରିବେ l ବର୍ତ୍ତମାନ ଓଡ଼ିଶା ରେ ସହରାଞ୍ଚଳ ଶତକଡା ୨୦ ଥିବାବେଳେ ବିକଶିତ ଓଡ଼ିଶା ୨୦୩୬ ରେ ଏହାକୁ ଶତକଡା ୪୦ ଏବଂ ବିକଶିତ ଭାରତ ୨୦୪୭ ସୁଦ୍ଧା ଏହାକୁ ଶତକଡ଼ା ୬୦ ରେ ପହଞ୍ଚାଇବାକୁ ସରକାର ସର୍ଡସ୍ତରରୁ କିକି ଆବଶ୍ୟକତା ଅଛି ତାହାର ଭିଜନ ଡକ୍ୟୁମେଣ୍ଟ ତିଆରି କରିବା ଓ ସଂଗ୍ରହ କରିବା ପ୍ରକ୍ରିୟା ଆରମ୍ଭ କରିଛନ୍ତି ଯାହା ୱାର୍ଡ ସଭ୍ୟ ସଭ୍ୟା ନିଷ୍ଠାପର ଭାବେ କାର୍ଯ୍ୟ ନିର୍ବାହ କରିବାକୁ ଆହ୍ଵାନ ଦେଇଥିଲେ l ସେହିପରି ମଞ୍ଚାସିନ ପୌର ପରିଷଦ ଓ ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷ ଅଧ୍ୟକ୍ଷା ମାନେ ସହରାଞ୍ଚଳ ବିକାଶ ଦିଗରେ ନିଜ ନିଜ ର ମୂଲ୍ୟବାନ ବକ୍ତବ୍ୟ ପ୍ରଦାନ କରିଥିଲେ l ଶେଷରେ ନିର୍ବାହୀ ଅଧିକାରୀ, ଖୋର୍ଦ୍ଧା ପୌର ପରିଷଦ, କାବେରୀ ମୁଦୁଲି ଧନ୍ୟବାଦ ପ୍ରଦାନ କରିଥିଲେ l ମଞ୍ଚ ସଂଯୋଜନା ସହରାଞ୍ଚଳ ଉନ୍ନୟନ ସଂସ୍ଥା, କର୍ମକର୍ତ୍ତା ଶ୍ରୀ ନାରାୟଣ ଜେନା ସମ୍ପାଦନ କରିଥିଲେ l ଅଧିବେଶନରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଲକ୍ଷ୍ମଣ କୁମାର ବେହେରା, ସମସ୍ତ କାଉଁସିଲର,ଜନପ୍ରତିନିଧି, ବିଭିନ୍ନ ବିଭାଗର ଅଧିକାରୀ ଯୋଗଦେଇ ପ୍ରଶ୍ନୋତ୍ତର କାର୍ଯ୍ୟକ୍ରମରେ ଭାଗ ନେଇ ଥିଲେ l
