ପାତ୍ରପୁର,୧୨/୪: କରେଶୁ ରେଡ୍ଡୀ):ପାତ୍ରପୁର ବ୍ଲକ ଅନ୍ତର୍ଗତ ସାମାନ୍ତିଆପାଲ୍ଲୀ ପଞ୍ଚାୟତର ବନସୋଲା ଗ୍ରାମରେ ଆସନ୍ତା ମେ ୩ ତାରିଖରୁ ମେ ୭ ତାରିଖ ପର୍ଯ୍ୟନ୍ତ “ବିଶ୍ୱ ଶାନ୍ତି ପଞ୍ଚକୁଣ୍ଡ ମହାଯଜ୍ଞ” ଭବ୍ୟ ଭାବେ ଆୟୋଜିତ ହେବ।ଏହି ମହାଯଜ୍ଞ ମାଧ୍ୟମରେ ବିଶ୍ୱ ଶାନ୍ତି, ଲୋକମଙ୍ଗଳ ଓ ସମୃଦ୍ଧି ପାଇଁ ପ୍ରାର୍ଥନା କରାଯିବ। ପଞ୍ଚକୁଣ୍ଡ ଯଜ୍ଞରେ ନାମଯଜ୍ଞ ସହ ଘୃତଯଜ୍ଞ, ଗୋଯଜ୍ଞ, ଜପାଯଜ୍ଞ ଓ ଅର୍ଣ୍ଣଯଜ୍ଞ ସମ୍ପାଦିତ ହେବ।ଏହାର ପ୍ରାରମ୍ଭିକ ପର୍ବ ଭାବେ ଆଜି ରବିବାର ସକାଳ ବ୍ରହ୍ମମୁହୂର୍ତ୍ତରେ ଧାର୍ମିକ ପରମ୍ପରା ଅନୁଯାୟୀ ଶୁଭଘଣ୍ଟି ଉପସ୍ଥାପନା କରାଯାଇଛି। ଏଥିରେ ବହୁ ଶ୍ରଦ୍ଧାଳୁ ଭକ୍ତ ଯୋଗଦାନ କରି ମନ୍ତ୍ରୋଚ୍ଚାରଣ ଓ ପୂଜାର୍ଚ୍ଚନା କରିଥିଲେ।ଗ୍ରାମବାସୀମାନେ ସମସ୍ତ ଭକ୍ତ, ସାଧୁସନ୍ତ ଓ ସାଧାରଣ ଜନତାଙ୍କୁ ଏହି ମହାଯଜ୍ଞରେ ଯୋଗଦେବାକୁ ସାଦର ଆମନ୍ତ୍ରଣ ଜଣାଇଛନ୍ତି।
