ବୁଗୁଡ଼ା,୧୩/୪:(କୁମୁଦ ଚନ୍ଦ୍ର ବେହେରା):ବୁଗୁଡ଼ା ବ୍ଲକ ଅନ୍ତର୍ଗତ ବି.କରଡାବାଡି ପଞ୍ଚାୟତର ପୂର୍ବତନ ସରପଞ୍ଚ ପ୍ରଫୁଲ୍ଲ କୁମାରୀ ନାୟକଙ୍କ ଦ୍ବାଦଶାହ ଉପଲକ୍ଷେ ଶନିବାର ଦିନ ଅଷ୍ଟପ୍ରହର ନାମ ସଂକୀର୍ତ୍ତନ ଯଜ୍ଞ ଆରମ୍ଭ ହୋଇ ରବିବାର ଦିନ ପୂର୍ବାହ୍ନରେ ଉଦଯାପିତ ହୋଇଥିଲା। ଉକ୍ତ ନାମ ସଂକୀର୍ତ୍ତନ ଯଜ୍ଞରେ ନୂଆ ଦଦରାଖୋଲ, ଟଭାପଲ୍ଲୀବି.କରଡାବାଡି ଓ ପୁରୁଣା ଦଦରାଖୋଲ ଗ୍ରାମର ନାମ ସଂକୀର୍ତ୍ତିନ ଦଳ ଅଂଶ ଗ୍ରହଣ କରିଥିଲେ। ସ୍ବର୍ଗତ ପ୍ରଫୁଲ୍ଲ କୁମାରୀ ନାୟକଙ୍କ ଦ୍ବାଦଶାହରେ ପୂର୍ବତନ ମନ୍ତ୍ରୀ ଶ୍ରୀକାନ୍ତ ସାହୁ ଓ ଅନ୍ଯ ଜନପ୍ରତିନିଧିଗଣ,ବୁଦ୍ଧିଜୀବୀ ଯୋଗଦେଇ ସ୍ବର୍ଗତ ପ୍ରଫୁଲ୍ଲ କୁମାରୀ ନାୟକଙ୍କ ଫଟୋଚିତ୍ରରେ ଶ୍ରଦ୍ଧା ସୂମନ ଅର୍ପଣ କରିବା ସହ ତାଙ୍କର ସ୍ମୃତିଚାରଣ କରିଥିଲେ। ଏ ଅବସରରେ ପୂର୍ବତନ ମନ୍ତ୍ରୀଶ୍ରୀକାନ୍ତ ସାହୁଙ୍କ ସମେତ ଅନ୍ଯ ମାନେ ନାମ ସଂକୀର୍ତ୍ତନ ଯଜ୍ଞରେ ସାମିଲ ହୋଇ ଭଗବାନଙ୍କ ଆଶୀର୍ବାଦ ଲାଭ କରିଥିଲେ।
