ପାତ୍ରପୁର/ଚିକିଟି,୨।୧୧:(ନିଗମାନନ୍ଦ ପଣ୍ଡା):ବାତ୍ୟା ଅର୍ଣ୍ଣବ ଜନିତ ବନ୍ୟା ପରେ ନିଖୋଜ ଥିବା ଜଣେ ବ୍ୟକ୍ତିଙ୍କ ମୃତଦେହ ଆନ୍ଧ୍ରପ୍ରଦେଶରୁ ଉଦ୍ଧାର ହୋଇଛି। ମୃତକ ହେଲେ ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ୍ ବି.ନୂଆଗାଁ ଗ୍ରାମପଞ୍ଚାୟତର ସାବରଦେବୀପେଟା ଗ୍ରାମର *ପାଣ୍ଡି କୁରେଶ (୪୦), ପିତା – ପାଣ୍ଡି ବୈରୟ୍ୟା*।ସୂଚନା ଅନୁସାରେ, ବନ୍ୟା ଦିନଠାରୁ କୁରେଶ ଗତ ୪ ଦିନ ଧରି ନିଖୋଜ ଥିଲେ। ପରିବାର ଲୋକେ ଓ ଗ୍ରାମବାସୀ ବହୁ ଖୋଜାଖୋଜି କରିଥିଲେ ମଧ୍ୟ ପତ୍ତା ମିଳି ନଥିଲା। ଶେଷରେ ତାଙ୍କ ମୃତଦେହ ଆନ୍ଧ୍ରପ୍ରଦେଶର *ଧର୍ମାପୁର ଗ୍ରାମ ନିକଟସ୍ଥ ନଦୀକୂଳରୁ* ମିଳିଥିବା ଜଣାପଡ଼ିଛି।ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି। ସେପଟେ ନିଖୋଜ ବ୍ୟକ୍ତିଙ୍କୁ ଠାବ କରିବା ଏବଂ ଉଦ୍ଧାର କାର୍ଯ୍ୟରେ ପ୍ରଶାସନର ଭୂମିକାକୁ ନେଇ ଲୋକେ ପ୍ରଶ୍ନ ଉଠାଇଛନ୍ତି।ଏପରିକି ବିପତ୍ତି ସମୟରେ ଜନସାଧାରଣଙ୍କ ପାଖରେ ଠିଆ ହେବା ପରିବର୍ତ୍ତେ କେବଳ ଫଟୋ ଉଠାଇ ଫେରିଯିବାକୁ ଗୁରୁତ୍ୱ ଦିଆଯାଉଛି ବୋଲି ବିଧାୟକଙ୍କ ଗସ୍ତକୁ ନେଇ ମଧ୍ୟ ଅସନ୍ତୋଷ ପ୍ରକାଶ ପାଇଛି।ଏହି ଦୁଃଖଦ ଘଟଣା ପ୍ରଶାସନିକ ତତ୍ପରତା ଓ ବିପର୍ଯ୍ୟୟ ପରିଚାଳନା ବ୍ୟବସ୍ଥାର କାର୍ଯ୍ୟଦକ୍ଷତା ଉପରେ ଗୁରୁତର ପ୍ରଶ୍ନବାଚୀ ସୃଷ୍ଟି କରିଛି।
