ଖଜୁରୀପଡ଼ା,୦୨/୦୮(ମନୋଜ କୁମାର ବେହେରା):କାମଧନ୍ଦା ଅଭାବରୁ ଓ ଅଧିକ ରୋଜଗାର ଆଶାରେ ପରିବାର ପ୍ରତିପୋଷଣ ପାଇଁ କନ୍ଧମାଳର ବହୁ ଯୁବକଯୁବତୀ ଦାଦନ ଯିବାକୁ ବାଧ୍ୟ ହେଉଥିବା ଦେଖାଯାଉଛି। ପ୍ରତି ସପ୍ତାହରେ ରାଇକିଆ, ଦାରିଙ୍ଗବାଡିରୁ ନିୟମିତ ବସ କେରଳ ଓ ତାମିଲନାଡୁ ଅଭିମୁଖେ ଶ୍ରମିକଙ୍କୁ ନେଇ ଯାତ୍ରା କରୁଛି। ଅଧିକ ରୋଜଗାର ଆଶାରେ ଯାଉଥିବା ଯୁବକ ଯୁବତୀମାନଙ୍କ ମଧ୍ୟରୁ ପ୍ରତି ମାସରେ ପ୍ରାୟ ଜଣେ ଦୁଇଜଣଙ୍କର ଦେହାନ୍ତ ହେଉଛି। ଶ୍ରମିକ ପଞିକରଣ ଆଇନରେ ପଞିକରଣ ନ ହୋଇ ଥିବାରୁ ସେମାନଙ୍କ ମୣତ ହେହ ଆଣିବା ପରିବାର ପାଇଁ ବ୍ୟୟ ବହୁଳ ହେଉଛି। ତେଣୁ ଏ ଦୁଃଖଦ ପରିସ୍ଥିତିକୁ ଦୣଷ୍ଟିରେ ରଖି ଜି ଉଦୟଗିରି ସୋସିଆଲ ୱାର୍କରର୍ସ ଆସୋସିଏସନ, କନ୍ଧମାଳ (ସ୍ଵାକ) ପକ୍ଷରୁ ବିଜୁ କଲ୍ୟାଣ ମଣ୍ଡପ ଜି ଉଦୟଗି ଠାରେ ଏକ ଆଲୋଚନା ଚକ୍ର ଅମନ ନାୟକଙ୍କ ସଭାପତିତ୍ବରେ ଆୟୋଜନ କରାଯାଇଥିଲା। ସମ୍ପାଦକ ହୣଷିକେଶ ପ୍ରଧାନ ପ୍ରାରମ୍ଭିକ ବିବରଣୀ ପ୍ରଦାନ କରିଥିଲେ। ଉପଦେଷ୍ଟା ସମୀର ପାଢୀ ଦାଦନ ନିରାକରଣ ସମ୍ପର୍କରେ ବକ୍ତବ୍ୟ ରଖିଥିଲେ। ଜିଲାର ବାରଟି ବ୍ଳକର ସାମାଜିକ କାର୍ଯ୍ୟକର୍ତ୍ତା, ଗଣମାଧ୍ୟମ ପ୍ରତିନିଧି, ପଞ୍ଚାୟତ ରାଜ ପ୍ରତିନିଧି, ବୁଦ୍ଧିଜୀବୀ, ବରିଷ୍ଠ ନାଗରିକ, ଦାଦନ ଯାଇଥିବା ବ୍ୟକ୍ତି ଉପସ୍ଥିତ ରହି ମୂଲ୍ୟବାନ ମତାମତ ଦେଇଥିଲେ। ଦାଦନ ଶ୍ରମିକ କାହିଁକି ଓ ତାର ନିରାକରଣ ସମ୍ପର୍କରେ ଭାରତୀୟ ମଜଦୂର ସଂଘ କନ୍ଧମାଳର ଜିଲା ସଭାପତି ତଥା ସାମାଜିକ କର୍ମୀ ଅଶୋକ ପରିଡାଙ୍କ ସହ ସାମ୍ବାଦିକ ସନ୍ତୋଷ କୁମାର ଦିଗାଲ, ସନ୍ତୋଷ ଦାସ, ଅରୁଣ ଷଡଙ୍ଗୀ,ବୁଦ୍ଧିଜୀବୀ ସିମାଞ୍ଚଳ ବେହେରା, ବିଜେପି ନେତା ସଂଗ୍ରାମୀ ନେତ୍ର ମାନସେଠ, କୈଳାଶ ଚନ୍ଦ୍ର ଦଣ୍ତପାଟ, ନିରଞ୍ଜନ ମିଶ୍ର, ପ୍ରଶାନ୍ତ ପ୍ରଧାନ, ମହିଳା କମିଶନ ପୂର୍ବିତନ ସଦସ୍ୟା ଜାଲିନା ପ୍ରିୟଦର୍ଶୀନୀ,ପ୍ରଦୀପ ଦାସ, ସଞୟ ଦିଗାଲ,ଜିଆଉଦ୍ଦୀନ ଅହମଦଙ୍କ ସମେତ ଵହୁବ୍ୟକ୍ତି ମତାମତ ଦେଇଥିଲେ। କନ୍ଧମାଳରୁ ଦାଦନ ଦୂରୀକରଣ ପାଇଁ ଆତ୍ମନିର୍ଭରଶୀଳ ହେବା ଭଳି ପ୍ରକଳ୍ପ ଚୟନଓ ଯୁବକ ମାନଙ୍କ ମାନସିକତାରେ ପରିବର୍ତ୍ତନ,ଆଞ୍ଚଳିକ ସ୍ତରରେ ଥିବା ସମ୍ବଳ ଓ ଭିତ୍ତିଭୂମି ଚିହ୍ନଟ କରି ଦୀର୍ଘସ୍ଥାୟୀ ଜୀବିକା ଆରମ୍ଭ,ପ୍ରତି ବ୍ଳକର ଦାଦନ ସଂଖ୍ୟାର ଡାଟାବେସ ପ୍ରସ୍ତୁତି,ଜିଲ୍ଲାର ଭୌଗଳିତ ସ୍ଥିତିକୁ ନେଇ ପ୍ରାଣୀପାଳନ ଓ କୣଷିଭିତ୍ତିକ, ଲଘୁବନଜାତ ଶିଳ୍ପ ,ଉଦ୍ୟାନ କୣଷି, ମସଲାଜାତୀୟ ଶିଳ୍ପ ,ଜଳସେଚନ ଓ ଜଳ ସଂରକ୍ଷଣକୁ ଅଗ୍ରାଧିକାର,ଦଳଗତ ସହ ବ୍ୟକ୍ତିଗତ କାର୍ଯ୍ୟରେ ମୁଦ୍ରା ଓ ଷ୍ଟାଟପର ବିନିଯୋଗ, ଉଦ୍ୟୋଗ ପାଇଁ ସିଙ୍ଗଲ ୱିଣ୍ଡୋ ସିଷ୍ଟମ,ସଠିକ ସମୟରେ ଆବଶ୍ୟକ ପରିମାଣର ଅନୁଦାନ, ପୁଞି, ଗୁଣାତ୍ମକ ପ୍ରଶିକ୍ଷଣ ଓ ଉଦ୍ୟୋଗ ଅନୁଯାୟୀ ଆବଶ୍ୟକ ଉପକରଣ, ମଞି, ବିହନ ଉପଲବ୍ଧ,ଜିଲାରରାଜନେତା, ପ୍ରଶାସନ, ଉଦ୍ୟୋଗୀ,ବୁଦ୍ଧିଜୀବୀ ଓ ସାମାଜିକ ଅନୁଷ୍ଠାନ ମଧ୍ୟରେ ନିୟମିତ ସମନ୍ୱୟ ବୈଠକ,ବିଭାଗୀୟ ଅଧିକାରୀମାନଙ୍କ ନିଷ୍ଠା ଓ ନିସ୍ଵାର୍ଥପର ସହଯୋଗ, ଦ୍ରବ୍ୟ ପ୍ରକ୍ରିୟା କରଣ, ସଂରକ୍ଷଣ ଓ ନିୟମିତ ବଜାର ବ୍ୟବସ୍ଥା, ଜିଲାସ୍ତରରେ ତୣତୀୟ,ଚତୁର୍ଥ ଶ୍ରେଣୀ ଓ ଠିକା ଶ୍ରମିକ ନିଯୁକ୍ତିକୁ ଅଗ୍ରାଧିକାର, ସିଲେଇ, ବାଉଁଶ, ଖଲି, ପ୍ଲାଇଉଡ, ହଳଦୀ, ଅଦା ପ୍ରସେସିଂ ଭଳି ନିତ୍ୟ ବ୍ୟବହାର୍ଯ୍ୟ ଶିଳ୍ପ ଓ ଆଞ୍ଚଳିକ ସ୍ତରରେ ଉପଲବ୍ଧ କଞ୍ଚାମାଲକୁ ନେଇ କୁଟିର ଶିଳ୍ପ ପ୍ରତଷ୍ଠା ସହ ତୁଳନାତ୍ମକ ଦର ନିର୍ଦ୍ଧାରଣ, ସହର ବଜାରରେ ଅଧିକ ସଂଖ୍ୟକ ଭେଣ୍ଡିଂଯୋନ ନିର୍ମାଣ,ଦାଦନ ଯିବା ବ୍ୟକ୍ତିଙ୍କ ପଞିକରଣ ଓ ନିଯୁକ୍ତି ଦାତାଙ୍କ ସଂମ୍ପୂର୍ଣ୍ଣବିବରଣୀ ଓ ଶ୍ରମିକ କଲ୍ୟାଣ ଯୋଜନାର ଲାଭ ବିନା ଲାଞ୍ଚରେ ହିତାଧିକାରୀ ପାଇବା ଆବଶ୍ୟକ। ମନରେଗାରେ ମଜୁରୀର ତାରତମ୍ୟ ନ ରଖି ନିୟମିତ ମଜୁରୀ ପ୍ରଦାନ ଓ ସମାନ କାମକୁ ସମାନ ମଜୁରୀ ପ୍ରଦାନ କରିବାକୁ ହେବ।ଉପରୋକ୍ତ ବିନ୍ଦୁକୁ ଗୁରୁତ୍ୱ ଦେଇ ପ୍ରଶାସନ ସହ ଆଲୋଚନା କରିବାକୁ ନିଷ୍ପତ୍ତି ନିଆଯାଇଥିଲା।
