ଭଞ୍ଜନଗର,୧୧।୯(ନିଲୁ ବିଷୋୟୀ): ଭଞ୍ଜନଗର ଥାନା ଅଧିନ ଗୋହିରିବାଡ଼ି ଗ୍ରାମରେ ନଦୀରେ ବୁଡି ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକ ଜଣ ହେଲେ ଗୁଣ୍ଡୁରିବାଡ଼ି ପଞ୍ଚାୟତ ଗୋହିରିବାଡି ଗ୍ରାମର ବିଶ୍ୱନାଥ ନାୟକଙ୍କ ପୁଅ ସନ୍ତୋଷ କୁମାର ନାୟକ(୫୦)। ପରିବାର ଲୋକଙ୍କ ସୂଚନା ଅନୁଯାୟୀ ,ସନ୍ତୋଷ ଜଣେ ଚାଷୀ ହୋଇଥିବା ବେଳେ ଗୁରୁବାର ଅପରାହ୍ନ ସମୟରେ ଜମି ଆଡ଼କୁ କାମ କରିବାକୁ କରିବାକୁ ଯାଇଥିଲେ। ହେଲେ ଘରକୁ ଫେରିବାରେ ବିଳମ୍ବ ହେବାରୁ ପରିବାର ଲୋକ ଖୋଜାଖୋଜି କରିଥିଲେ। ଏହାପରେ ଗ୍ରାମ ନିକଟ ନଦୀରେ ସେ ପାଣିରେ ପଡ଼ିଥିବା କିଛି ଲୋକ ଦେଖିଥିଲେ। ଏହାପରେ ତୁରନ୍ତ ସେଠାରୁ ଉଦ୍ଧାର କରି ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ସନ୍ତୋଷକୁ ମୃତ ଘୋଷଣା କରିଥିଲେ। ଖବର ପାଇ ପୁଲିସ୍ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି।
