ବେଗୁନିଆପଡ଼ା,୧୧।୯(ବାପୁନି ମାଲୁ):ବେଗୁନିଆପଡ଼ା ମାଛ ମାର୍କେଟ ଭିତରେ ବର୍ଷା ହେଲେ ପାଣି ଜମି ରହୁଥିବାରୁ ବେପାରୀ ଓ ଗ୍ରାହକ ହନ୍ତସନ୍ତ ହେଉଛନ୍ତି । ପାଣି ଭିତରେ ଛିଡ଼ା ହୋଇ ବ୍ୟବସାୟ କରିବାକୁ ବାଧ୍ୟ ହେଉଛନ୍ତି ବେପାରୀ। ସାମାନ୍ୟ ବର୍ଷାରେ ଯଦି ମାର୍କେଟର ଏଭଳି ଅବସ୍ଥା ହେଉଛି, ତେବେ ଜଳ ନିଷ୍କାସନ ବ୍ୟବସ୍ଥା ନେଇ ପ୍ରଶାସନର ପ୍ରସ୍ତୁତି କେତେ ? ଲୋକଙ୍କ ସୁବିଧା ପାଇଁ ସରକାରୀ ଟଙ୍କାରେ ତିଆରି ମାର୍କେଟରେ ଏଭଳି ଅବ୍ୟବସ୍ଥା ପାଇଁ ଜବାବ୍ ଦେବ କିଏ ? ମାର୍କେଟରେ ଆଣ୍ଠୁଏ ପାଣି ଜମିବା ପରେ ମଧ୍ୟ କାହିଁକି ଚେତୁନାହାନ୍ତି ଅଧିକାରୀ ? ଜଳ ନିଷ୍କାସନର ସ୍ଥାୟୀ ବ୍ୟବସ୍ଥା କେବେ ହେବ ? ବେପାରୀ ଓ ସାଧାରଣ ଲୋକଙ୍କ ଦୁର୍ଦ୍ଦଶା କେବେ ସରିବ ? ପାଣି କେବେ ବାହାରିବ, ଆଉ ସମସ୍ୟାର ସ୍ଥାୟୀ ସମାଧାନ କେବେ ହେବ? ତାକୁ ହିଁ ଅପେକ୍ଷା ।
