ଫୁଲବାଣୀ,୧୮।୦୯ (ସୁନୀଲ ପଟ୍ଟନାୟକ):କଂଧମାଳ ଜିଲ୍ଲା ର ଫୁଲବାଣୀ ସମେତ ସମଗ୍ର ଜିଲ୍ଲାରେ ଗୁରୁବାର ୧୭/୦୯ ଠାରୁ ଆସନ୍ତା ଏକ ମାସ ବ୍ୟାପୀ ଅକ୍ଟୋବର ୧୭ଯାଏ ସେବା ସଂକଳ୍ପ ଅଭିଯାନ ଚାଲିବ l ଏହି ଅବସର ରେ ଗତକାଲି ସଂଧ୍ୟାରେ ସ୍ଥାନୀୟ ଜଗନ୍ନାଥ ମନ୍ଦିର ପ୍ରାଙ୍ଗଣ ରେ ଆଶୀର୍ବାଦ ର ଦୀପ ପ୍ରଜ୍ବଳନ କର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମ ରେ ଫୁଲବାଣୀ ବିଧାୟକ ଉମା ଚରଣ ମଲ୍ଲିକ, ଜିଲାପାଳ ବେଦ ଭୂଷଣ, ଅତିରିକ୍ତ ଜିଲ୍ଲାପାଳ ରାଜସ୍ୱ ଭକ୍ତ ବନ୍ଧୁ ଜନାର୍ଦ୍ଦନ ଦଳେଇ, ଅତିରିକ୍ତ ଜିଲ୍ଲାପାଳ ସlଧାରଣ କୁଶଳ ଚନ୍ଦ୍ର ନାୟକ, ମୁଖ୍ୟ ଉନ୍ନୟନ ଅଧିକାରୀ ଶମ୍ଭୁ ନାଥ ନନ୍ଦୀ, ଉପ ଜିଲ୍ଲାପାଳ ଭିକାରୀ ସାହୂ, ବିଡ଼ିଓ ସୌମ୍ୟ ରଂଜନ ପାତ୍ର, ସଂସ୍କୃତି ଅଧିକାରୀ ତଥା ଡି ପି ଆର ଓ ନଳିନୀ କାନ୍ତ ସାହୂ ଙ୍କ ସମେତ ବହୁ ବରିଷ୍ଠ ଅଧିକାରୀ, ସ୍ଵୟଂ ସହାୟକ ଗୋଷ୍ଠୀ ମହିଳା, ବିଜେପି ନେତା ରମେଶ ଚନ୍ଦ୍ର ମହାନ୍ତି, ରାଜ୍ୟ ସମ୍ପାଦକ ତଥା ଆଇନଜୀବି ସଂଘ ସଭାପତି ଭଗବାନ ମହାନ୍ତି ପ୍ରମୁଖ ଯୋଗ ଦେଇ ପ୍ରଦୀପ ପ୍ରଜ୍ବଳନ କରିଥିଲେ l ଏହି ଅବସରରେ ମନ୍ଦିର ପରିସରରେ ବୃକ୍ଷ ରୋପଣ କରଯାଇଥିଲା l ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଙ୍କ ୨୫ବର୍ଷ ର ନିରବିଛିନ୍ ଜନ ସେବା, ସୁଶାସନ, ତଥା ବିକଶିତ ଭାରତ ୨୦୪୭ର ସଂକଳ୍ପ ର ପ୍ରତୀକ ସ୍ୱରୂପ ଜିଲ୍ଲାର ସମସ୍ତ ଜନ ସାଧାରଣ ନିଜ ନିଜ ଘରେ ଅଶ୍ରୀବାଦ ର ଦୀପ ଜାଳି ବା ଲାଗି ଉତ୍ସାହିତ କରଯାଇଥିଲା l
