ଫୁଲବାଣୀ:୦୯/୦୪(ସୁନୀଲ ପଟ୍ଟନାୟକ):ସୁଡୁରୁକୁମ୍ପା ରେଞ୍ଜ ବାଡ଼ିଗୁଡା ଗ୍ରାମରେ ଏକ ୧୦ଫୁଟର ଅହିରାଜ ସାପ ପଶିଥିବାର ଦେଖି ଗ୍ରାମବାସୀ ସୁଡୁରୁକୁମ୍ପା ବନବିଭାଗକୁ ଜଣାଇ ଥିଲେ ଖବର ପାଇ ବନବିଭାଗ କର୍ମଚାରୀ ଗ୍ରାମରେ ପହଁଚି ସାପଟିକୁ ଚି଼ହ୍ନଟ କରିଥିଲେ ପରେ ସ୍ନେହ ହେଲ୍ପ ଲାଇନ କୁ ଯୋଗାଯୋଗ କରିଥିଲେ ଖବର ପାଇ ସ୍ନେକ ହେଲ୍ପ ଲାଇନ ସଦସ୍ୟ ଜଗନ୍ନାଥ ରାଜୁ ଏବଂ ଅବଦୁଲ ଶାକୀର ସେହି ଗ୍ରାମରେ ପହଂଚି ସାପ ଟିକୁ ସୁରକ୍ଷିତ ଉଦ୍ଧାର କରିଥିଲେ ପରେ ସାପଟିକୁ ଦୂର ଜଙ୍ଗଲରେ ଛାଡିଥିଲେ |ବିଷଧର ସାପ ଦେଖି ଗ୍ରାମବାସୀ ଭୟଭୀତ ଥିବା ବେଲେ ବନ ବିଭାଗ ଏବଂ ସ୍ନେକ ହେଲ୍ପ ଲାଇନ ର ତତ୍ପରତା ପାଇଁ ଗ୍ରାମବାସୀ ଉଭୟଙ୍କୁ ସାଧୁବାଦ ଜଣାଇଛନ୍ତି |
Author: Janabani News
ବ୍ରହ୍ମପୁର ୯/୪: (ଜନବାଣୀ):ମନ୍ତ୍ରୀ ଶ୍ରୀ ହରିଚନ୍ଦନ ବ୍ରହ୍ମପୁରର ଶିଳ୍ପକଳା ଓ ସଂସ୍କୃତିକୁ ପ୍ରଶଂସା କରି, ଏହାକୁ ସ୍ୱତନ୍ତ୍ର ପରିଚୟର ଆଧାଆଜି ବ୍ରହ୍ମପୁରର ଖଲ୍ଲିକୋଟ ମହାବିଦ୍ୟାଳୟ ପଡ଼ିଆଠାରେ ଆୟୋଜିତ ‘ରେଶମ ସହର ମହୋତ୍ସବ, ସୁଭଦ୍ରା ଶକ୍ତି ଓ ଆତ୍ମନିର୍ଭର ଭାରତ ସ୍ୱଦେଶୀ ମେଳା’ରେ ଯୋଗଦେଲି ।ରେଶମ ସହର ବ୍ରହ୍ମପୁରର ସର୍ବାଙ୍ଗୀନ ବିକାଶ ପାଇଁ ଆମ ସରକାର ପ୍ରତିବଦ୍ଧ। ଓଡ଼ିଶାର କଳା, ସଂସ୍କୃତି ଏବଂ ସ୍ଥାନୀୟ ଉତ୍ପାଦକୁ ବିଶ୍ୱସ୍ତରରେ ପହଞ୍ଚାଇବା ପାଇଁ ଏହି ମେଳା ଏକ ପ୍ରଶସ୍ତ ମାଧ୍ୟମ। ସ୍ୱତନ୍ତ୍ର ଓଡିଶା ପ୍ରଦେଶ ଗଠନରେ ଗଞ୍ଜାମ ମାଟିର ବଳିଷ୍ଠ ଅବଦାନ ରହିଥିଲା। ସ୍ୱକୀୟ ଶିଳ୍ପକଳା ଓ ସଂସ୍କୃତି ବ୍ରହ୍ମପୁରକୁ ଏକ ସ୍ୱତନ୍ତ୍ର ପରିଚୟ ଦେଇଛି। ଓଡ଼ିଶାର ଦଶଟି ପ୍ରମୁଖ ସହରର ବ୍ୟାପକ ଉନ୍ନତିକରଣ ପାଇଁ ସରକାର ପରିକଳ୍ପନା କରୁଛନ୍ତି ତାହା ମଧ୍ୟରେ ବ୍ରହ୍ମପୁର ଅନ୍ୟତମ । ଆତ୍ମନିର୍ଭର ଭାରତ ଅଥବା ଲୋକାଲ ଫର ଭୋକାଲର ସଫଳତା ଏବଂ ଓଡିଶା ସରକାରଙ୍କ ୨୦୩୬ ସୁଦ୍ଧା ବିକଶିତ…
ଚିକିଟି,୯/୪:(ନିଗମାନନ୍ଦ ପଣ୍ଡା): ଚିକିଟି ବ୍ଲକ ଅନ୍ତର୍ଗତ ନୂଆପଡା ଗ୍ରାମସ୍ଥିତ ବି. ନୂଆପଡା ଠାରେ ପୂଜା ପାଇ ଆସୁଥିବା ମା ଅନ୍ନପୂର୍ଣ୍ଣା ଓ ଗ୍ରାମଦେବତୀ ମାଙ୍କ ନୂତନ ବିଗ୍ରହ ପ୍ରତିଷ୍ଠା ଉତ୍ସବ ଓ ଆମ୍ବା ମହାଯଜ୍ଞ ବୁଧବାରେ ଶୁଭାରମ୍ଭ ହୋଇଛି l ଏହି ଅବସରରେ ଆଖପାଖ ଗ୍ରାମର ଶତାଧିକ ମହିଳା ଓ ପୁରୁଷ ଶୋଭାଯାତ୍ରାରେ ବାହାରି ଦିଗପହଣ୍ଡି ବ୍ଲକ ଅନ୍ତର୍ଗତ ଧlନ୍ୟରାଶି ଗ୍ରାମ ନିକଟସ୍ଥ ବାହୁଦା ନଦୀରୁ କଳସରେ ଜଳ ଧରି ନୂଆପଡା ମୁଖ୍ୟ ବଡ଼ଦାଣ୍ଡ ପରିକ୍ରମା କରି ମାଙ୍କ ପୀଠରେ ପହଂଚିଥିଲେ l ଏହି ଯଜ୍ଞ 12 ତାରିଖ ପର୍ଯ୍ୟନ୍ତ ଚାଲିବ ବୋଲି ପୂଜା କମିଟି ପକ୍ଷରୁ କୁହାଯାଇଅଛି l ପ୍ରତ୍ୟେକ ଦିନ ଘୃତ ଯଜ୍ଞ, ଅନ୍ନଯଜ୍ଞ, ନାମଯଜ୍ଞ ଚାଲିବ ବୋଲି କମିଟି ପକ୍ଷରୁ କୁହାଯାଇଛି l ଏହି ଉତ୍ସବରେ ବିଶିଷ୍ଠ ପଣ୍ଡିତ ଶିବ ପ୍ରସାଦ ପଣ୍ଡାଙ୍କ ତତ୍ୱାବଧାନରେ ଆଖପାଖ ଅଞ୍ଚଳର ପୁରୋହିତ ମାନେ ଯୋଗଦେଇ ସହଯୋଗ କରିଛନ୍ତି l
ନୂଆପଡ଼ା,ସିନାପାଲି,୮/୪:(ପରମେଶ୍ୱର ମେହେର):ସ୍ଥାନୀୟ ଗୋଡାଲ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ବିଶ୍ୱମ୍ବର ମେହେରଙ୍କ(55)ଆଜି ହଠାତ ପରଲୋକ ଘଟିଥିବା ଜଣାପଡିଛି l ଖବର ଜଣାପଡିଲା ପରେ ସିନାପାଲି ଶିକ୍ଷକ ମହଲରେ ଗଭୀର ଦୁଃଖ ପ୍ରକାଶ ପାଇବା ସହ ପରିବାର ପରିଜନଙ୍କ ଭିତରେ ଶୋକର ଛାୟା ଖେଲି ଯାଇଛି l ସ୍ବର୍ଗତ ମେହେର ଜଣେ ଛାତ୍ରବତ୍ସଲ ସ୍ନେହୀ ଓ ଶୃଙ୍ଖଳିତ ଶିକ୍ଷକ ଭାବରେ ଛାତ୍ରଛାତ୍ରୀ ଏବଂ ଅବିଭାବକଙ୍କ ନିକଟରେ ନିଜ ପରିଚୟ ତିଆରି କରିଥିଲେ l ପ୍ରତିଦିନ ଭଳି ଆଜି ସକାଳେ ନିଜ ବିଦ୍ୟାଳୟକୁ ଯାଇ ସବୁଦିନ ଭଳି ନିଜ କର୍ତଵ୍ୟ କରିଥିଲେ l ନୂଆ ପାଠ୍ୟ ପୁସ୍ତକ ବି ପିଲାଙ୍କୁ ବଣ୍ଟନ କରିଥିଲେ l ପରେ ହଠାତ ଛାତିରେ ଯନ୍ତ୍ରଣା ଅନୁଭବ ହେବାରୁ ଅନ୍ୟ ଜଣେ ଶିକ୍ଷକଙ୍କ ସହଯୋଗରେ ଘରକୁ ଆସିଲା ପରେ ତାଙ୍କୁ ସ୍ଥାନୀୟ ଡାକ୍ତରଖାନାକୁ ନିଆଯାଇଥିଲା ଏବଂ ପରେ ସେଠାରୁ ନୂଆପଡା ଜିଲ୍ଲା ଡାକ୍ତରଖାନାକୁ ନିଆଯାଇଥିବା ବେଳେ ସେଠାରେ ଚିକିତ୍ସାଧୀନ…
ନୂଆପଡ଼ା, ୦୮/୦୪:(ପରମେଶ୍ୱର ମେହେର):ନୂଆପଡ଼ାରେ ଜିଲ୍ଲାପାଳ ମଧୁସୂଦନ ଦାଶଙ୍କ ଅଧ୍ୟକ୍ଷତାରେ ମୁଖ୍ୟାଳୟ ସମ୍ମିଳନୀ କକ୍ଷରେ ଜିଲ୍ଲାସ୍ତରୀୟ ବିଦ୍ୟାଳୟ ଶିକ୍ଷା ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ବୈଠକର ଆରମ୍ଭରେ ଜିଲ୍ଲା ଶିକ୍ଷା ଅଧିକାରୀ ଡ଼ଃ ପ୍ରଶାନ୍ତ କୁମାର ମହାନ୍ତି ସମସ୍ତ ଉପସ୍ଥିତ ଅଧିକାରୀଙ୍କୁ ସ୍ୱାଗତ କରିଥିବା ସହ ବିଭାଗ ପକ୍ଷରୁ ଚାଲୁଥିବା ବିଭିନ୍ନ ଯୋଜନା ଓ ପଦକ୍ଷେପ ସମ୍ପର୍କରେ ବିସ୍ତୃତ ତଥ୍ୟ ଉପସ୍ଥାପନ କରିଥିଲେ।ବୈଠକରେ ଜିଲ୍ଲାପାଳ ଜନଶୁଣାଣି ପୋର୍ଟାଲରେ ଆସୁଥିବା ଶିକ୍ଷା ସମ୍ପର୍କିତ ସମସ୍ତ ଅଭିଯୋଗକୁ ଶୀଘ୍ର ସମାଧାନ କରିବାକୁ ନିର୍ଦ୍ଦେଶ ଦେଇଥିଲେ ଏବଂ ଶିକ୍ଷା ବିଭାଗରେ ଗୁଣାତ୍ମକ ସେବା ପ୍ରଦାନ ଉପରେ ଗୁରୁତ୍ୱ ଦେଇଥିଲେ।ସମୀକ୍ଷାରୁ ଜଣାପଡ଼ିଛି ଯେ, ଜିଲ୍ଲାର ସମସ୍ତ ବ୍ଲକରେ ପ୍ରବେଶ ଉତ୍ସବ ଓ ଖଡ଼ିଛୁଆଁ କାର୍ଯ୍ୟକ୍ରମ–୨୦୨୬ ସଫଳତାର ସହ ଅନୁଷ୍ଠିତ ହୋଇଯାଇଛି। ଏହି ଅବସରରେ ମୋଟ ୪୨୫୦ ଜଣ ଶିଶୁ ଶିଶୁ ବାଟିକା ଓ ପ୍ରଥମ ଶ୍ରେଣୀରେ ଭର୍ତ୍ତି ହୋଇଛନ୍ତି। ବୋଡ଼େନ ବ୍ଲକରେ ୪୮୮, ଖଡିଆଳରେ ୯୯୮, କୋମନାରେ ୬୭୮,…
ବାଲିଗୁଡା, ୦୮/୦୪:(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ସ୍ଥିତ ଆଦିବାସୀ ମହାବିଦ୍ଯାଳୟ ଯୁବ ରେଡକ୍ରସ୍ ଓ ଜାତୀୟ ସେବା ଯୋଜନାର ମିଳିତ ପ୍ରଚେଷ୍ଟାରେ ଓଡିଆ ପକ୍ଷ ଅବସରରେ ଆୟୋଜିତ ରକ୍ତଦାନ ଶିବିରରେ ୧୫ ୟୁନିଟ୍ ରକ୍ତ ସଂଗ୍ରହ ହୋଇଛି l ଅଧ୍ଯକ୍ଷ ତଥା ଯୁବ ରେଡକ୍ରସ୍ ଜିଲ୍ଲା ସଂଯୋଜକ ଡ.ବିଭୂତି ଭୂଷଣ ଆଚାର୍ଯ୍ୟଙ୍କ ଆବାହକତ୍ୱରେ କାଉନସେଲର ମାନସ ରଂଜନ ପ୍ରଧାନ, ଜାତୀୟ ସେବା ଯୋଜନା କାର୍ଯ୍ଯକ୍ରମ ଅଧିକାରୀ ହମନ୍ ଦିବାକା, ଶ୍ରୀମତୀ ଅରୁନ୍ଧତୀ ପ୍ରଧାନ, ଡାକ୍ତର ରାମ ପାତ୍ର, ବାଲିଗୁଡା ଉପଖଣ୍ଡ ରକ୍ତ ଭଣ୍ଡାର ର ରକ୍ତ ସଂଗ୍ରହକାରୀ ଦଳ ସହ ମହାବିଦ୍ଯାଳୟର ସମସ୍ତ କର୍ମଚାରୀ ଏବଂ ସ୍ବେଛାସେବୀ ଉପସ୍ଥିତ ରହି ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ l
ବାଲିଗୁଡା, ୦୮/୦୪:(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ବ୍ରାହ୍ମଣୀଗାଁ ବାନାଞ୍ଚଳ କାର୍ଯ୍ୟାଳୟ ଠାରୁ ପ୍ରାୟ ଦେଢ଼ କିମି ଦୂର ବଡ଼ଶଙ୍ଖ ନିକଟରେ ଗୋଟିଏ ବାଛୁରୀ ଛୁଆ ମରି ପଡ଼ିଥିବା ବେଳେ ଆଉ ଗୋଟିଏ ଆହତ ହୋଇଥିବା ଦେଖିବାକୁ ମିଳିଛି l ସୂଚନା ଅନୁସାରେ ଦୁଇଟି ବାଛୁରୀ ଛୁଆ ବଡ଼ଶଙ୍ଖ ନିକଟ ରାସ୍ତା କଡ଼ ରେ ଶୋଇଥିବା ବେଳେ ମଙ୍ଗଳବାର ବିଳମ୍ବିତ ରାତ୍ରୀ ରେ କୌଣସି ଏକ ବନ୍ୟ ଜନ୍ତୁ ସେହି ବାଛୁରୀ ଛୁଆ ମାନଙ୍କୁ ଆକ୍ରମଣ କରିଥିଲା ତେବେ କୌଣସି ମତେ ଗୋଟିଏ ବାଛୁରୀ ସେଠାରୁ ଖସି ଯିବାକୁ ସକ୍ଷମ ହୋଇଥିବା ବେଳେ ଆଉ ଗୋଟିଏ ବାଛୁରୀ କୁ ଆକ୍ରମଣ କରି ତାର ପଛ ଭାଗରୁ ଖଣ୍ଡିଆ ଖାବରା କରି ମାରି ଦେଇଥିବା ଦେଖିବାକୁ ମିଳିଛି l ଖବର ପାଇ ବନପାଳ ଯୋଗେଶ୍ବର ଧାରୁଆ ଓ ବନରକ୍ଷୀ ଶ୍ରୀରାମ ପଣ୍ଡା ଙ୍କ ସମେତ ଅନ୍ୟ ବନ କର୍ମଚାରୀ…
ବାଲିଗୁଡା, ୦୮/୦୪ :(ସଞ୍ଜୟ କୁମାର ପାଣିଗ୍ରାହୀ): ନିଆରା ଭାବେ ନିଜ ଜନ୍ମ ଦିନ ପାଳନ କଲେ ସମାଜ ସେବୀ l ନିଜ ସନ୍ତାନ ଙ୍କ ଠାରୁ ବିତାଡିତ ହୋଇ ଜରା ନିବାସ ରେ ଜୀବନ ଅତିବାହିତ କରୁଥିବା ଅନ୍ତେବାସୀ ଙ୍କ ସହ ପାଳିଲେ ଜନ୍ମ ଦିନ l ନିଜ ଜନ୍ମ ଦିନକୁ ଏପରି ନିଆରା ଭାବରେ ପାଳନ କରିଛନ୍ତି ବାଲିଗୁଡା ସହର ର ସୁଖ ଦୁଃଖ ର ସାଥି ତଥା ସମାଜସେବୀ ଟୁନା ଦାସ l ବାଲିଗୁଡା ଵନବାସୀ ସେବା ସମିତି ଦ୍ୱାରା ପରିଚାଳିତ ଜରା ନିବାସ ର ଅନ୍ତେବାସୀ ଙ୍କ ନିକଟରେ ଜନ୍ମ ଦିନ ପାଳନ କରିବା ସହ ଅନ୍ତେବାସୀ ଙ୍କ ଠାରୁ ଆଶ୍ରିବାଦ ନେଇଥିଲେ ଟୁନା ଦାସ l କ୍ୟାଣ୍ଡଲ ଜଳାଇ କେକ୍ କାଟି ଜନ୍ମ ଦିନ ପାଳନ କରିବା ପରିବର୍ତ୍ତେ ଅନ୍ତେବାସୀ ଙ୍କ ଠାରେ ଜନ୍ମ ଦିନ ପାଳନ କରି ବେଶ ଖୁସିବ୍ୟକ୍ତ କରିଛନ୍ତି ସମାଜସେବୀ ଟୁନା…
ବେଲଗୁଣ୍ଠା, ୦୮/୦୪:(ଶିବରାମ ଚୌଧୁରୀ ): ଆଜି ବେଲଗୁଣ୍ଠା ନିକଟସ୍ଥ କେବିରି ବ୍ରହ୍ମପୁର ଗ୍ରାମରେ ଗଞ୍ଜାମ ପ୍ରସିଦ୍ଧ ଗାଲେରୀ ଦଣ୍ଡ ଅନୁଷ୍ଠିତ ହୋଇଯାଇଛି I ଗାଲେରୀ ଦଣ୍ଡକୁ ଗଞ୍ଜାମରେ ସର୍ବପୁରାତନ ଏବଂ ପ୍ରତ୍ୟେକ୍ଷ ଦଣ୍ଡର ମାନ୍ୟତା ଦିଆଯାଇଥିବା ବେଳେ ଆଜି ମାଆଙ୍କ ଆଗମନରେ ଅଞ୍ଚଳରେ ଉତ୍ସାହ ଖେଳିଯାଇଥିଲା I ଗାଲେରୀ ଦଣ୍ଡ ଦଳରେ ପାଖପାଖି ୭୦୦ ଦଣ୍ଡୁଆ ଅଂଶଗ୍ରହଣ କରିଥିବା ବେଳେ ଗ୍ରାମକୁ ସେମାନଙ୍କର ପ୍ରବେଶ ସମୟରେ ଏକ ନିଆରା ପରିବେଶ ସୃଷ୍ଟି ହୋଇଥିଲା I ମାଆଙ୍କ ଗ୍ରାମକୁ ପ୍ରବେଶ ପରେ ସକାଳେ ଗ୍ରାମ ଦେବଦେବୀଙ୍କୁ ବନ୍ଦନା କରାଯାଇଥିଲା I ମଧ୍ୟାହ୍ନରେ ଧୂଳି ଦଣ୍ଡ ଏବଂ ଅପରାହ୍ଣରେ ପାଣିଦଣ୍ଡ ଅନୁଷ୍ଠିତ ହୋଇଥିଲା I ସନ୍ଧ୍ୟା ସମୟରେ ମାଆଙ୍କ ନଗର ପରିକ୍ରମା ଅନୁଷ୍ଠିତ ହୋଇଥିଲା I ଆଜି ଦିନ ସାରା ଗ୍ରାମରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିବା ବେଳେ ମାଆଙ୍କ ଦର୍ଶନ ପାଇଁ ଆଖପାଖ ଅଞ୍ଚଳରୁ ହଜାର ହଜାର ଭକ୍ତଙ୍କ ଭିଡ଼ ଦେଖିବାକୁ…
ବେଲଗୁଣ୍ଠା, ୦୮/୦୪:(ଶିବରାମ ଚୌଧୁରୀ ): ବେଲଗୁଣ୍ଠା ବ୍ଳକ୍ ଅନ୍ତର୍ଗତ କ୍ଷତ୍ରିୟବରପୁର ସ୍ଥିତ ଆଞ୍ଚଳିକ ସ୍ନାତକ ମହାବିଦ୍ୟାଳୟରେ ଜାତୀୟ ସେବା ଯୋଜନା ଆନୁକୂଲ୍ୟରେ ଓଡ଼ିଆ ପକ୍ଷ- ୨୦୨୬ ପାଳିତ ହୋଇଯାଇଛି I ଅନୁଷ୍ଠାନ ଅଧ୍ୟକ୍ଷ ଡ ଗିରିଧର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭଞ୍ଜ ସାହିତ୍ୟର ସୂଗବେଷକ,ସୁସାହିତ୍ୟିକ ତଥା ସୁବକ୍ତା ଡ.ପ୍ରଦୀପ କୁମାର ପଟ୍ଟନାୟକ ଯୋଗ ଦେଇ ଓଡ଼ିଶାର ସଂସ୍କୃତି, ପରମ୍ପରା ଏବଂ ଉତ୍କଳ ପ୍ରଦେଶର ବରପୁତ୍ର ମାନଙ୍କ ସମ୍ପର୍କରେ ସାର ଗର୍ଭକ ବକ୍ତବ୍ୟ ପ୍ରଦାନ କରିଥିଲେ I ଜାତୀୟ ସେବା ଯୋଜନା ଅଧିକାରୀ ସୀମାଞ୍ଚଳ ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଓଡ଼ିଆ ବିଭାଗୀୟ ମୁଖ୍ୟ ଅଧ୍ୟାପକ ସଞ୍ଜତ କୁମାର ଦାଶ୍,ପ୍ରଶାସନିକ ଅଧିକାରୀ ଡ.ଇ.ରବିନାରାୟଣ ପାତ୍ର ଏବଂ ଯୁବ ରେଡକ୍ରସ୍ ଉପଦେଷ୍ଟା ଡ.ସଂଜୀବ କୁମାର୍ ଦାଶ୍ ପ୍ରମୁଖ ମଞ୍ଚାସୀନ ଥିଲେ I କାର୍ଯ୍ୟକ୍ରମ ପରିଚାଳନାରେ ମହାବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ, ଜାତୀୟ ସେବା…
ରାୟଗଡ,୮/୪:(ଅମୂଲ୍ୟ ନିଶଙ୍କ): ଆଜି ରାୟଗଡ଼ା ଜିଲ୍ଲା ଅନ୍ତର୍ଗତ ସଦର ବ୍ଲକ କାର୍ଲାକଣା ପଞ୍ଚାୟତ ଅଙ୍ଗୁର ଗ୍ରାମ ଠାରେ ଜୟ ସଦଗୁରୁ ଯୁବକ ସଂଘ ତରପରୁ ଆୟୋଜିତ କ୍ରିକେଟ ଟୁରନାମେଣ୍ଟଉଦଘାଟିତ ହୋଇଯାଇଛି l ଏହି ଉଦଘାଟନୀ ମେଚ ରେ ମୁଖ୍ୟ ଅତିଥି ଭାବରେ ବିଜୁ ଜନତା ଦଳର ରାୟଗଡା ବ୍ଲକ ସଭାପତି ଶ୍ରୀ ପ୍ରତାପ ପେଦିନ୍ତି ଏବଂ ରାୟଗଡ଼ା ଜିଲ୍ଲାର ବିଜୁ ଛାତ୍ର ଜନତା ଦଳର ସଭାପତି ଶ୍ରୀ ଉଦୟ କୁମାର ହିମିରିକା , ରାଜ୍ୟ ବିଜେଡି ସାଧାରଣ ସମ୍ପାଦକ ଶ୍ରୀ ବିନାୟକ ପଳେଇ , ସମାଜସେବୀ ତଥା ଯୁବ ସଦାନନ୍ଦ ପେଦିନ୍ତି , ଜେକେପୁର ର ଯୁବ ନେତା ଶ୍ରୀ ଇଶ୍ୱର ରାଓ ଯୋଗଦେଇ ମେଚ ର ଉଦଘାଟନ କରିବା ସହିତ ଖେଳାଳିଙ୍କୁ ଉତ୍ସାହିତ କରିଥିଲେ l ଆଜିର ଏହି ଉଦଘାଟନ ମେଚ ର ପ୍ରଥମ ଖେଳ ଯାହା ରାମପୁର ଯୁବକ ସଂଘ ଏବଂ ବଡ ଚାନ୍ଦିଲି ଟାଇଗର ଟିମ୍ ମଧ୍ୟ…
ରାୟଗଡ଼, ୮/୪(ଅମୂଲ୍ୟ ନିଶଙ୍କ): ମାନବ ସେବା ହିଁ ମାଧବ ସେବା। ଏହି ଆଦର୍ଶକୁ ପାଥେୟ କରି ସେଞ୍ଚୁରିଅନ ବିଶ୍ୱବିଦ୍ୟାଳୟ (ରାୟଗଡ଼ କ୍ୟାମ୍ପସ) ଅନ୍ତର୍ଗତ ‘ସ୍କୁଲ ଅଫ୍ ନର୍ସିଂ’ ପକ୍ଷରୁ କୋଲନାରା ବ୍ଲକ ଖେଦାପଡ଼ା ଗ୍ରାମ ଠାରେ ଚାଲିଥିବା ସ୍ୱାସ୍ଥ୍ୟ ସେବା କାର୍ଯ୍ୟକ୍ରମ ଆଜି ତୃତୀୟ ଦିନରେ ପହଞ୍ଚିଛି। ଗ୍ରାମବାସୀଙ୍କୁ ମାଗଣା ଚିକିତ୍ସା ସହ ସ୍ୱାସ୍ଥ୍ୟ ସଚେତନତା ଯୋଗାଇଦେବା ଲକ୍ଷ୍ୟରେ ଏହି ଶିବିର ଆୟୋଜିତ ହୋଇଥିଲା। ଆଜିର ଏହି କ୍ୟାମ୍ପରେ ବହୁ ସଂଖ୍ୟାରେ ଗ୍ରାମବାସୀ ସାମିଲ ହୋଇ ନିଜର ସ୍ୱାସ୍ଥ୍ୟ ପରୀକ୍ଷା କରାଇଥିଲେ। ଚକ୍ଷୁ ଚିକିତ୍ସା ଓ ସ୍ୱଳ୍ପ ମୂଲ୍ୟରେ ସେବା ପ୍ରଦାନ କାର୍ଯ୍ୟକ୍ରମର ମୁଖ୍ୟ ଆକର୍ଷଣ ରହିଥିଲା | ଶିବିରରେ ସାଧାରଣ ବିଭାଗରେ ୧୦୯ ଜଣ ରୋଗୀ ପଞ୍ଜିକୃତ ହୋଇ ଚିକିତ୍ସିତ ହୋଇଥିଲେ। ଏଥିରେ ୧୦୧ ଜଣଙ୍କର ଚକ୍ଷୁ ପରୀକ୍ଷା କରାଯାଇଥିବା ବେଳେ ୯୮ ଜଣଙ୍କୁ ତୁରନ୍ତ ଚଷମା ବଣ୍ଟନ କରାଯାଇଥିଲା। ସେହିପରି ୮୪ ଜଣଙ୍କର ସୁଗାର ଏବଂ ୧୦ ଜଣଙ୍କର…